Туристичкиот локалитет “Браната“се наоѓа на 5 км од градот Берово на брегот на Беровско езеро и надморска височина од околу 1000 м.н.в. Сместено во пазувите на столетните борови, букови и дабови дрвја, погалени од сончевите зраци, а благодарение на природните климатски услови, ова еколошки чисто подрачје претставува вистинска “воздушна бања“. Долж езерото се протегаат голем број вили, прекрасни терени за излет, рекреација и спортови.
